金枝玉葉2

多謝無線再重播金枝玉葉2，實在太喜歡這齣戲。

不是戲中攣攣直直的關係，而是當中精巧的對白。

「點解你唔可以同我一齊?｣
「因為我唔可以只係鍾意一個人, 你可以咩?｣
「我都唔可以, 咁幾時可以?｣
「老左, 老左就可以, 到時我會搵你｣

「而家佢最需要你既時候, 點解你走左去?｣
「因為我自己都唔知點做｣
「一有事就走左去, 女人跟住你咪PK囉｣

「如果你真係愛一個人, 而又相信佢係愛你既話, 無事係唔可以返轉頭｣ (“相信”這個詞實在用得太好了, 很挖苦)

「返去啦｣
「返去真係可以當無事?｣
「可以既｣
「咁如果幾年之後又再發生呢?｣….!

「點解每次離開都係搭船?｣
「因為可以睇耐d｣
「睇耐d咩?｣

朋友笑說，你必是覺得自己像袁詠儀。不不不，我覺得自己比較像梅艷芳一角。從來就不是主角，只在別人的戲中出現或間場。

芳艷梅看以任性好勝，堅強硬朗，看得透放得下，就算到最後離開，也沒有一句抱怨；可是，可是呢？

以前覺得金枝玉葉的主副歌有點悶，現在才嘗到當中味道。

寂寞也揮發著餘香　原來情動正是這樣
曾忘掉這種遐想　這麼超乎我想像
但願我可以沒成長　完全憑直覺覓對象
模糊地迷戀你一場　就當風雨下潮漲

如果真的太好　如錯看了都好　不想證實有沒有過傾慕
是無力　但有心　像謎　像戲　誰又會　似我演的更好
從眉梢中感覺到　從眼角看不到　彷彿已是最直接的裸露
是無力　但有心　暗來　明往　誰說　這算是　情愫

Filed under: 電影 , 金枝玉葉2, 芳艷梅, 袁詠儀, 梅艷芳